Print
Email
0
0
ካለማንም ፈቃድ የድምፃዊ ተሾመ አሰግድን ‘የኔ አካል’ ዘፈን አቅርቦ የነበረውና በድምጻዊውም ከፍተኛ ተቃውሞ ደርሶበት የነበረው ጃኪ ጎሲ ፊያሜታ በሚል የሠራው ነጠላ ዜማ ዘፈኑ ከሌላ ድምጻዊ የተሰረቀ በመሆኑና ይህም አቤቱታ ስለደረሰው የቲዩብ ምስሉ እንጂ የቪድዮ ድምፁ እንዳይሰማ መታገዱ ታወቀ።
ከጃኪ ጎሲ ኦሺፌሻል ዩቲብ ገጽ ላይ ዘ-ሐበሻ ባገኘችው መረጃ መሠረት ፊያሜታ የሚለው ዘፈን ክሊፑ የሚታይ ሲሆን ድምጹ ግን ታግዷል። ዩቲዩብ ከቪድዮው ሥር በሰጠው መግለጫ “This video previously contained a copyrighted audio track. Due to a claim by a copyright holder, the audio track has been muted” ይላል።
ጃኪ ጎሲ ፊያሜታ የሚለውን ዘፈን ፍጹም ዮሐንስ የተባለ ኤርትራዊ ድምፃዊ ቀድሞ የተጫወተው ሲሆን፤ ጃኪ ይህን ዘፈን ከዚህ ድምጻዊ ወስዶ ሲሰራ አንዳችም ክሬዲት አለመስጠቱና የራሱ አስመስሎ ማቅረቡ ሲያስተቸው ቀይቷል። እንደውም ይህ ዘፈን የጃኪ የራሱ ፈጠራ የሚመስላቸው ሰዎች ያሉ ሲሆን እውነታው ግን ከፍጹም ዮሐንስ የተወሰደ መሆኑን የተረዱ የጃኪን የዘፈን ስርቆት በእጅጉ እያወገዙ ይገኛሉ።
ጃኪ በዩቲዩብ ዘፈኑ እንዳይሰማ ከታገደ በኋላ የራሴ ነው ብሎ ሲጠቅሰው የነበረውን ዘፈን ክሬዲት እንደሰጠ ለማስመሰል ከታገደው ቪድዮ በታች “I wanna say thank you to singer Fitsum Yohannes to his contribution on the chorus part of this song’s melody!!!” የሚል አስተያየት ለመጻፍና ሕዝብን ለማታለል መሞከሩ ብዙዎችን ያሳዘነ ሲሆን ይህም ከስህተቱ አለመማሩን የሚያሳይ ነው ሲሉ ይተቻሉ። ለድምጻዊው ቀድሞ ሳይታገድ በፊት እውቅና መስጠት እንዳለበት የሚተቹት አስተያየት ሰጪዎች ዘፈኑ ከታገደ በኋላ የሚያደርገው መፍጨርጨር ለትዝብት የሚጥለው ነው ይላሉ።
እነዚሁ የጃኪን የዘፈን ስርቆት የሚቃወሙ ወገኖች ወጣቱ ድምጻዊ መልካም ድምጽ ያለው እንደመሆኑ የራሱን ፈጠራ መጠቀም ይኖርበታል። ከዚህ ቀደም የተሾመን ሰርቆ በመሥራት እውቅናን ለመጎናጸፍ ሲበቃ፤ ቀጥሎ የፍጹም ዮሐንስን ዘፈን ወስዶ ገንዘብ አትርፎበታል። ተሾመ ምንም ሊያደርግ ባይችልም በፍጹም ፊያሜታ ዘፈን ግን ከዩቲዩብ በድምጽ መታገድ ሰለባ ሆኗል ይላሉ አስተያየት ሰጪዎች። ጃኪ አሁን ደግሞ የሰማኸኝ በለውን ባላገር ዘፈን አንዳችም ክሬዲት ሳይሰጥ በየመድረኩ የራሱ በማስመሰል እየተጫወተ መሆኑን በመጥቀስ አስተያየት ሰጪዎች ድምጻዊው ከእድገት የውድቀትን መንገድ እየመረጠ መሆኑን ይጠቅሳሉ።
በተለይም ድምፃዊው አንጋፋውን ድምጻዊ ቴዎድሮስ ታደሰን ከመድረክ ጀርባ ማንጓጠጡን ተከትሎ አሁን ካለው የስርቆት እገዳ ጋር በተያያዘ ጃኪ ከፍተኛ ውጥረት ውስጥ ገብቷል ሲሉ አስተያየት ሰጪዎች ይናገራሉ።
የጃኪ ጎሲን ፊያሜያታ ከዩቲዩብ መታገዱን ለማረጋገጥ ሊንኩ ይኸው፦http://youtu.be/MxCB354Druo
Average Rating