Print
Email
0
0
በትላንትናው ዘገባችን መሰረት ኢ/ር ይልቃል ጌትነት ወረታው ዋሴ ስለሺ ፈይሳ ወይንሸት ሞላ እና ብሌን ታስረዋል ብለን መዘገባችን ይታወሳል ሆኖም ግን ፣ዛሬ በተላከልን የይስተካከልልን መረጃ መሰረት የታሰሩትን ሰዎች ስም ዝርዝር አስተካክለን ስናቀርብ ላደረግነው ስህተት በአክብሮት ይቅርታ እንጠይቃለን ።
የሰማያዊ ፓርቲ አባላቶች ከታሰሩት መካከልም እያስፔድ ተስፋዬ ፣ብሌን መስፍን ፣እና አወቀ ተዘራ ፣ያለምንም መጥሪያ ከያሉበት በማፈን ወስደዋቸዋል፣ይህንንም የተደረገው በቅርቡ የታወጀውን አዋጅ አስመልክቶ መንግስት በሚፈልገው መልኩ ፣ያለመጥሪያ ሰዎችን ለምርመራ እፈልጋለሁ እያለ እንደሚያስር እና እንደሚያንገላታ ገልጸዋል ፣ይህም አዋጅ ለዚህ መንግስት አውጭነቱ ያሰጉኛል የሚላቸውን ጠንካራ የፖለቲካ ፓርቲዎች እና የድርጅት አባላቶችን በእስር በማስገባት ለማሽመድመድ እንዲቻለው ነው ሲሉ ከሰማያዊ ፓርቲ የተላከልን አጭር የመልእት መግለጫ ያመለክታል ።
blue party logo
በኢትዮጵያ ከጊዜ ወደ ጊዜ እያየለ የመጣው የመንግስት አፈና እና እንቢተኝነት በህዝቡ ቆራጥ አቋም ፣ሊፈነዳ ባለ ወቅት መንግስት ፍርሃቱን ለማንገስም ሆነ ያለበትን ጭንቀት የሚተነፍስበት ሲያጣ በዜጎች ላይ ዱላ እንደሚያበዛ ይታወቃል ፣ይህንንም በምርጫ 97ም ሆነ ከዚያም በፊት እና በሁዋላ በነጻው ህዝብ ላይ የተደረገውን አፈና የምንዘነጋው አይደለም ሲሉ አክለው ገልጠዋል።
የማለዳ ታይምስ አዘጋጆች እና ዘሃበሻ በትላንትናው እለት ለተፈጠረው ስህተት ይቅርታ እንጠይቃለን ።
Average Rating