Print
Email
0
0
ዘርይሁን ሹመቴ
በኮምቦልቻ በደብረብርሃንና በተለያዩ የአማራ ከተሞች የሚኖሩ በርካታ ህዝቦች ከፋብሪካ በሚወጣ አደገኛ የኬሚካል ልቀት በመተንፈሻ ችግር በሽታ መጠቃታቸው ተገልጸ።
ከፋብሪካዎቹ በሚለቀቁት መርዛማ ኬሚካሎች ምክንያት ለፈውስ አልባ በሽታ የሚዳረጉ ሰዎች ቁጥር በከፍተኛ ደረጃ እየጨመረ መሆኑንም መረዳት ተችሏል።
የአማራ ክልል መስተዳድር ባህርዳር
ከፍተኛ ጉዳት እያስከተሉ ያሉት የቆዳ ፋብሪካዎች በባህርዳር፣ መርሳ፣ ሃይቅ፣ ኮምቦልቻና ደብረብርሃን ከተሞች የሚገኙ ሲሆን፣ ሁሉም ፋብሪካዎች አገር አቀፍ እና አለማቀፍ የአካባቢ ጥበቃ ደረጃን በመተላለፍ የሚያፈሱት ኬሚካል ለበርካታ ሰዎች እና እንስሳት ህመምና ሞት ምክንያት እየሆኑ ይገኛሉ።
ጥናቶች እንደሚያመለክቱት ከቆዳ ፋብሪካዎች የሚወጡ ኬሚካሎች የልቀት መጠናቸው ከፍተኛ በመሆኑ በአከባቢው የሚኖሩ ህዝቦች ለካንሰር፣ የዘረመል ለውጥ፣ ለአእምሮ ዝግመት፣ ለአካል መዛባት ፣ ተጣብቆ የመወለድና ለባህሪ ለውጥ ችግር ተጋላጭ ይሆናሉ።
በአማራ ክልል የተቋቋሙት ስድስቱ ፋብሪካዎች ደካማ የኬሚካል ማከሚያ መሳሪያ እና አያያዝ ያላቸው መሆኑ በጥናት ተረጋግጧል።ፋብሪካዎቹ ከሚያመነጩት በካይ ተረፈ ምርት ውስጥ ተጣርቶ ወደ አከባቢው የሚለቀቀው 35 በመቶው ብቻ እንደሆነና አንዳንዶች ደግሞ ምንም ማጣሪያ የሌላቸው መሆናቸው ታውቋል::
በደብረ ብርሃን ከተማ ከሚገኘው የጥቁር ዓባይ ቆዳ ፋብሪካ በሚወጣ ብናኝና ሽታ በመጠቃታቸው ልሳናቸው እስከ መዘጋት የደረሱ ነዋሪዎች ቁጥር በከፍተኛ ደረጃ መጨመሩን እንዳረጋገጠ ትንሳኤ ሬዲዮ ዘግቧል።
በመተንፈሻ ችግር በሽታ የተጠቁትንም በርካቶች እንደሆኑ ከየስፍራዎቹ የሚደርሱ መረጃዎች ያመለክታሉ።
በተለያዩ ከተሞች የሚገኙ የቆዳ ፋብሪካዎች ከ35 አይነት በላይ ለጤና አደገኛ የሆኑ ኬሚካሎችን ህብረተሰቡ ወደ ሚጠቀምባቸው ወንዞችና መስኮች እንደሚለቀቁም ታውቋል።
ችግሩ እንዲፈታ ነዋሪዎች በተደጋጋሚ አቤት ቢሉም መፍትሄ የሚሰጣቸው አካል እንዳላገኙ ይናገራሉ።
Average Rating