ደሴ በመንግስት ታጣቂዎች ሽብር ውስጥ ዋለች ፣ኮምቦልቻ ፍርድ ቤት የመንግሥት አቃቢ ሕግ በጥይት ከመገደል አምልጧል

You are here: Home > Ethiopia > Current Article

ደሴ በመንግስት ታጣቂዎች ሽብር ውስጥ ዋለች ፣ኮምቦልቻ ፍርድ ቤት የመንግሥት አቃቢ ሕግ በጥይት ከመገደል አምልጧል

By maleda times / February 28, 2017 / Comments Off on ደሴ በመንግስት ታጣቂዎች ሽብር ውስጥ ዋለች ፣ኮምቦልቻ ፍርድ ቤት የመንግሥት አቃቢ ሕግ በጥይት ከመገደል አምልጧል

Read Time:43 Second

ሙሉቀን ተስፋው

በደሴ ከተማ የመንግሥት አስተዳደር አካላት በነፍስ ወከፍ ዐሥር ሺህ (10000.00) ብር በመቀበል በወሎ ዩንቨርሲቲ አቅራቢያ ቀለም ሜዳ በተባለው አካባቢ ቦታ ተሰጥቷቸው ቤት የሠሩ ሰዎች ዛሬ ቤቱ እንዲፈርስ በመደረጉ ነው በሕዝብና በመንግሥት የጸጥታ አካላት መካከል ግጭት የፈጠረው፡፡
የደሴ ከተማ ሕዝብ በነቂስ ወጥቶ ሕገ ወጡን የቤት ማፍረስ ሥራ የተቃወመ ሲሆን በመካከል የወያኔ የታጠቁ ወታደሮች 5 ሰዎችን አቁስለዋል ብሏል የደረሰን ሪፖርት፡፡ ጉዳዩን የተከታተሉ ሰዎች እንደነገሩን ከሆነ በጥይት የተመቱት ሰዎች የሆስፒታል ክትትል ቢደረግላቸውም አስጊ ሁኔታ ላይ ያሉ አሉ ተብሏል፡፡ ከተመቱት ሰዎች መካከል የእስልምና እምነት አባቶችም አሉበት ተብሏል፡፡ በተያያዘም በዚሁ በቀለም ሜዳ የ6 ሰዎች ቤት በአፍራሽ መኪና የፈረሰ ሲሆን የሕዝብ ቁጣ ከፍተኛ በመሆኑ የሌሎች ግለሰቦች ቤት ከመፍረስ ድኗል ለጊዜው፡፡ ነገ ተጨማሪ የወያኔ አፍራሽ ግብረ ኃይል ይመጣል በመባሉ ሕዝብ በተጠንቀቅ ላይ እንደሆነም ለማወቅ ችለናል፡፡

በሌላ በኩል በኮምቦልቻ ፍርድ ቤት አንድ የወያኔ አቃቢ ሕግ ችሎት ላይ በጥይት ተስቷል ተብሏል፡፡ አቃቢ ሕጉ በሐሰት ወጣቶችን የሚያሳስር በመሆኑ ነው እርምጃ ሊወሰድበት የነበረው፡፡