Print
Email
0
0
ጌጡ ተመስገን
#ETHIOPIA | ዛሬ – የቦብ ማርሌይ አደባባይ በትራፊክ መብራት ተተክቷል የዛሬ አሥራ ሁለት ዓመት የቦብ ማርሌ የልደት በዓል በአዲስ አበባ በድምቀት ተከበረ። የወቅቱ የከተማው ከንቲባ ከኢምፔሪያል ሆቴል ፊት ለፊት ያለውን ቦታ ‹‹ቦብ ማርሊ አደባባይ›› ብለው ሰየሙት። አርቲስት ዘለቀ ገሠሠ፣ አዲስ ገሠሠ እና አዋድ አሕመድ ከሌሎች አካላት ጋር በመተባበር የቦብ ማርሊ ሃውልት እንዲቆም አስቻሉ። ከ12 ዓመታት በኋላ ለአዲስ አበባ ከተማ የትራፊክ ፍሰት እንቅፋት በመሆኑ በቀለበት መንገዱ ከሚገኙ አደባባዮች መካከል መፍረስ አለባቸው ተብለው ከተለዩት አደባባዮች መካከል አንዱ የሆነው፣ ይኸዉ የሬጌው ሙዚቃ ንጉሥ ቦብ ማርሌ ምሥለ ቅርፅ ያረፈበትና በሥሙ የሚጠራው አደባባይ ሆነ፡፡ በኢምፔሪያል ሆቴል አካባቢ ከአራት አቅጣጫዎች ተሽከርካሪዎችን የሚያስተናግደውን ይህ አደባባይ ከላይ ፈረሰ፡፡ ዛሬ – የቦብ ማርሌይ አደባባይ በትራፊክ መብራት ተተክቷል
አደባባዩ ከተሰየመ አይቀር ለምን ሃውልቱ አይቆምም በሚል ሃሳብ ያመነጩት ወንድማማቾቹ ዘለቀ ገሰሰ እና አዲስ ገሰሰ፤ የቦብ ማርሌይን ሃውልት በእውቁ ሰዓሊና ቀራፂ ብዙነህ ተስፋ ማሰራታቸውን ይታወቃል ይሄው ሃውልት ሚያዚያ 10 ቀን 2007 ዓ.ም እንደተመረቀ ይታወሳል
3 ሜትር ከ80 ሳንቲ ሜትር ቁመት ያለውን የቦብ ሃውልት የሰራው ቀራፂ ብዙነህ ተስፋ በሰጠው አስተያየት፤ “ሃውልቱ ከሁሉም በላይ በሙዚቀኞችና በሙዚቃ አፍቃሪዎች ተነሳሽነት መተከሉ አስደሳች ነው ማለቱም የቅርብ ጊዜ ትውስታችን ነበር
በምረቃው ስነ ስርአት ላይ ጃሉድ አወል፣ ዘለቀ ገሰሰ፣ አብነት አጎናፍር፣ ኬኒ አለን፣ ሲድኒ ሰለሞን፣ ጆኒ ራጋ፣ ራስ ጃኒ፣ ሸዋንዳኝ ሃይሉ፣ የሺ ደመላሽ እና ሌሎችም ዕውቅ ድምፃውያን የተካፈሉበት ሲሆን ጃኖ፣ መሃሪ ብራዘርስና ብሉ ቫይብስ የሙዚቃ ባንዶች አቀንቃኞ ጋር በማጀብ ስራ ሰርተዋል ፣ ከፍተኛ የሆነ ወጭ የወጣበት ይሄው ሃውልት ከጥቂት አመታት በሁዋላ መፍረሱ አግባብ አለመሆኑ ተገልጧል።
በሌላም በኩል በመዲናይቱ አዲስ አበባ የተሰሩት የውስጥ ለውስጥ የከተማ መንገዶችም ሆኑ የፈጣን ጉዞ መንገድ ሃይ ወይ በብዙው ማስተር ፕላኑ ትክክል ያልሆነ እና አደባባይ የሚበዛበት በመሆኑ ለትራፊክ ፍሰት ያለው ጉዳት በብዙ እንደሆነ ባለሙያዎች ጠቁመዋል ፣ በፍጥነት በሚኬድበት መንገድ ላይ አደባባይ በየትኛውም አለም የማይሰራ ቢሆንም የኢትዮጵያ መንገዶች ኮንስትራክሽን ከቻይና ኩባንያ ጋር በመተባበር የተሰራ በመሆኑ ፣መንገዶቹ በሙሉ በአደባባይ የተሞሉ መሆናቸውን አንዳንድ የማለዳ ታይምስ እና ዘሃበሻ ተከታታዮች ለዝግጅት ክፍላችን ገልጠዋል
Average Rating