Print
Email
0
0
ከጠ/ሚኒስትር ዐቢይ አሕመድ ጋር ብፁዕ ወቅዱስ አቡነ መርቆሬዎስን በመንበረ ፓትርያርኩ ማረፊያቸው የጠየቋቸው፤ የክልል ትግራይ ምክትል ርእሰ መስተዳድር ዶ/ር ደብረ ጽዮን ገብረ ሚካኤል፤
“በአቡኑ መመለስ ሁላችንም ደስተኞች ነን፡፡ በአሜሪካ ሌላ ፓትርያርከ፣ በአገራችንም ሌላ ፓትርያርክ እየተባለ ለረጅም ጊዜ እንደቆየ ሁላችንም የምናውቀው ነው፡፡ ይኼ የነበረው መራራቅ፣ ክቡር ጠቅላይ ሚኒስትራችን አሜሪካ ሔደው፣ ቤተ ክርስቲያናችንም በራሷ ጥረት ስታደርግ እንደነበር እናውቃለን፡፡ ክቡር ጠቅላይ ሚኒስትሩ ወደ አሜሪካ ከሔዱ በኋላ መቋጫ ያገኘበት ነው፡፡ ቅዱስ ፓትርያርኩን አብረው ይዘው በመምጣታቸው በጣም ትልቅ ደስታ ነው የተሰማን፡፡ እኔ በአጋጣሚ መንገድ ላይ አልተሳተፍኩም፡፡ ነገር ግን ዛሬ እጎበኛቸዋለኹ ሲሉ በሌላ ሥራ አብረን ነበርንና፣ እኔም ስላልጠየቅኋቸው ከእርስዎ ጋራ መሔዱ በጣም ጠቃሚ ነው በሚል ነው የመጣኹትና በጣም ደስተኛ ነኝ፡፡ ቅዱስነታቸውንም አግኝቻቸዋለሁ፡፡
ሁለቱንም ፓትርያርኮች በጋራ ስላገኘናቸው፣ ለቤተ ክርስቲያኒቱ ብቻ ሳይኾን ለአገራችን ሕዝቦችም ትልቅ አብነት ነው የሚያሳየን፡፡ ይኼ መራራቁ በጣም ጎጅ እንደነበረ፣ ከቤተ ክርስቲያንም አልፎ ሕዝቡ ላይ የነበረው ስሜት እንዲራራቅ አድርጎ ስለነበረ፣ አኹን አማኙ ብቻ ሳይኾን የኢትዮጵያ ሕዝብም አንድ እንዲኾን፣ ተባብሮ አገሩን ለማልማት፣ ተባብሮ የአገሩን ሰላም ለማስጠበቅ የራሳቸውን ሚና እንደሚጫወቱ ስለምናምን በጣም ደስተኛ ነኝ፡፡ በጥሩ ኹኔታም ነው ያገኘናቸው፤ በዚህ ዕድልም ከክቡር ጠቅላይ ሚኒስትሩ ጋራ ተያይዘን ስለመጣን በጣም ደስተኛ ነኝ፡፡ “
Average Rating