Print
Email
0
0
በአዲስ አበባ ከተማ አንድ ወጣት ቅቤን ከቫዝሊን ቅባትና ከሌሎች በዓድ ፈሳሾች ጋር፣ ማርን ደግሞ ከመኪና ዘይት፣ ከገላ ሳሙናና ከሌሎች በዓድ ፈሳሾች ጋር ቀላቅሎ በማዘጋጀት ለገበያ ሊያወጣ ሲል በፖሊስ ቁጥጥር ስር ዋለ።
ለፖሊስ በደረሰው ጥቆማ መሰረት በአካባቢው የሚወጣው ጠረን ህብረተሰቡን ኑሮውን ከማወኩም በላይ የእለት ከእለት ህይወቱን መምራት ባለመቻሉ ምክንያት ከአካባቢው የሚወጣውን ጠረን ምን እንደሆነ እንከታተሉላቸው በማመልከታቸው እና ይህ ተጠርጣሪ ግለሰብ በየጊዜው የሚያደርጋቸው ነገሮችም ከአካባቢው ነዋሪዎች ሁኔታ ለየት ያለ በመሆኑ ጥርጣሬው ጠንክሮ ፖሊስ ምርመራ እንዲያደርግበት አስችሎታል።
ከፖሊስ ምርመራ ለማለዳታይምስ ከቀረበው መረጃ መሰረት ወጣቱ የተለያዩ ንጥረ ነገሮችን በመጠቀም ከማር፣ቅቤ፣እና ሌሎች ምግብ ነክ ነገርችን በመቀላቀል ለህብረተሰብ ገበያ ላይ ማዋሉን ከማስረጃ ጋር አያይዞ በማቅረብ ክስ ሊመሰርትበት እንደቻለ መረጃው ይጠቁማል ።
ወጣቱ ይጠቀምባቸው የነበሩት ንጥረ ነገሮች የመኪና ዘይት ፣ሳሙና፣ ቫዝሊን ቅባት፣ የፀጉር ፈሳሽ ቅባቶች፣ ሌሎችም የሰውን ልጅ ህይወት በአፋጣኝ ደረጃ የሚጎዱ እና ለሞት የሚያደርሱ ንጥረ ነገሮችን ተጠቅሟል ሲል ምርመራው ይጠቁማል።
ወጣቱ ከፍተኛ ቁጥር ያለውንም ማህበረሰብ ለተለያዩ በሽታዎች ዳርጎታል እስከአሁንም ድረስ በሚያመርታቸው ምርቶች ተጠቀሞ ህይወቱ ያለፈ ሰው ቢኖርም ማንም ሰው ምርመራ እንዲደረግለት አልጠየቀም ይህም በመሆኑ ይህ ወጣት በመጀመሪያ ደረጃ የወንጀል ክስ ሊጠየቅ የገባል ሲል የመርማሪ ፖሊስ መዝገብ ይጠቁማል በምግብ መበከል የሚታመሙ ወገኖች ካሉም ከማናቸውም ከሚጠራጠሯቸው ምግቦች ጋር በማያያዝ ለምርመራ ይረዳ ዘንድ ወደ ፖሊስ በማምራት የምርመራ መዝገብ መስከፈት አለባቸው ተብሏል።
በቅርቡ ፍርድቤት እንደሚቀርብም ይፋ ሆኖአል።
ማለዳ ታይምስ መረጃ ማእከል
Average Rating