Print
Email
0
0
- የግድቡ ሥራ በአራት ዓመታት ይጠናቀቃል ተብሏል
የህዳሴው ግድብ 750 ሜጋ ዋት የቅድመ ማመንጨት ሥራ ከሁለት ዓመት በኋላ ይጀምራል ተባለ
13 December 2018ብርሃኑ ፈቃደ
የታላቁ የኢትዮጵያ ህዳሴ ግድብ ሥራ ማስተካከያዎች ተደርገውበት ከሁለት ዓመታት በኋላ 750 ሜጋ ዋት የቅድመ ኃይል ማመንጨት ሥራ እንደሚጀምር የግድቡ ፕሮጀክት ሥራ አስኪያጅ ገለጹ።
የጥራትና የጊዜ መጓተት ችግሮች በብረታ ብረትና ኢንጂነሪንግ ኮርፖሬሽን (ሜቴክ) በኩል በተፈጠሩ ግድፈቶች ሳቢያ ይጠናቀቃል ከተባለውም ጊዜ ዘግይቶ በአሁኑ ወቅት አጠቃላይ የግድቡ ግንባታ 65 በመቶ ላይ ይገኛል። በሜቴክ እንዲገነቡ ውል የተገባባቸው የብረት መዋቅርና የኤሌክትሮ ሜካኒካል ሥራዎች መጓተትና የጥራት ጉድለቶች የግድቡን ግንባታ ሥራ በተቀመጠለት ጊዜ እንዳይካሄድ አድርጓል ያሉት የግድቡ ፕሮጀክት ሥራ አስኪያጅ ተክሌ ሆሮ (ኢንጂነር) በኤሌክትሮ ሜካኒካልና መሰል ሥራዎች ተስተካክለው በሁለት ዓመታት ውስጥ የመጀመርያው ምዕራፍ ግንባታ እንደሚጠናቀቅም ሥራ አስኪያጁ ገልጸዋል። በጠቅላላው የግድቡ ግንባታ ሥራ በአራት ዓመታት ውስጥ እንደሚጠናቀቅም አስታውቀዋል።
ግድቡ የሚገኝበትን የግንባታ ሒደትና ወቅታዊ ጉዳዮችን በተመለከተ በተጠራው የውይይት መድረክ ላይ ማብራሪያ የሰጡት የውኃ፣ መስኖና ኢነርጂ ሚኒስትሩ ስለሺ በቀለ (ዶ/ር) በበኩላቸው ምንም እንኳ የግድቡ የሲቪል ሥራዎች 82 በመቶ ቢጠናቀቅም፣ የኤሌክትሮ ሜካኒካል ሥራዎቹ 23 በመቶ ብቻ በመከናወኑ ጠቅላላ ድምር አፈጻጸሙን 65 በመቶ ላይ ገድቦት ቆይቷል።
በመሆኑም ላለፉት ሰባት ዓመታት በግንባታ ላይ የሚገኘውና አራት ዓመታት የተጓተተው የህዳሴው ግድብ ሌላ አራት ዓመታት ይፈልጋል። እስካሁን ከ98 ቢሊዮን ብር በላይ ቢወጣበትም ለማጠናቀቅ የሚጠይቀው ተጨማሪ ገንዘብ ገና በቅርብ ጊዜ ውስጥ ይፋ ይደረጋል ተብሏል።
Average Rating