Print
Email
0
0
ለእረጅም ዘመናት የህይወት ጊዜአቸውን በእስር ያደረጉት እና ያለምንም ጥፋታቸው በፍትህአብሔር ክስ የተመሰረተባቸው የሰማኒያ አመቱ አዛውንት ከእረጅም የእስርቤት ስቃይ እና መከራ በኋላ በዛሬው እለት ህይወታቸው ማለፉን ከማረሚያ ቤት የደረሰን መረጃ ያመለክታል።
እንደ መረጃ ዘገባው ከሆነ አዛውንቱ ምንም በማያውቁት እና በአልተረዱት ሁኔታ ልጃቸው በድንገት ሲያልፍ እርሳቸው ቀጥቅጠው እንደገደሉት አድርገው ፖሊሶች የክስ መዝገብ በማቅረባቸው ምክንያት ወንጀሉ በከፍተኛ ፍርድ ቤት የመጀመሪያ ደረጃ ወንጀል ምድብ ችሎት እረጅም ዘመን ከታየ በኋላ የእድሜ ልክ እስራት እና የሞት ፍርድ ተፈርዶባቸው ፣ ጊዜአቸውን በቃሊቲ እስርቤት ውስጥ በዞን አንድ ማረሚያ ውስጥ ታጉረው ከመኖራቸውም ባሻገር ..ለእረጅም ዘመን የህሊና እስረኛ በመሆናቸው ምክንያት በዞን አድ ውስጥ ባሉት ሁለት ክፍሎች ውስጥ እንደ ትግሳጽ የሚሰጡ ታላቅ አባት እና አስተማሪ የነበሩ ታላቅ ሰው ናቸው ሲሉ በማረሚያ ቤት ውስጥ የሚገኙ ታራሚዎች ለማለዳ ታይምስ ገልጸዋል።
ሃጎስ ወልዱ
ሂሩት መለስ
ተከስተ ብርሃን
ሰአዳ ሁሴን እና ብርሃነ መስቀል የተሰኙት ዳኞች በተከሳሾች ላይ የሞት ፍርድ እና እድሜ ልክ እስራት ታራሚዎች በፍርድ ቤት ሳያስቀርቡ ሲፈርዱ የነበሩ ዳኞች እንደነበሩ እና ተከሳሾች ምንም አይነት የወንጀል ክስ ሳያውቁ ብዙ እስረኞች እንደታሰሩ ገልጸዋል ። በሌላም በኩል ፖሊሶች ሙስና በመስራት ወንጀል የሌለባቸውን ወንጀል ሰርታችኋል በማለት እና ገንዘብ ከከፈላችሁ እንለቃችኋለን በማለት ብዙ ንጹሃንን እንደአሳሰሩ ጠቁመዋል። ከእነዚህም መካከል
ተስፋሁን ፈለቀ የተባለ መርማሪ የአምስት መቶ ሺብር በመጠየቅ ምርመራውን አቅላልሁ እያለ ገንዘብ የማይከፍሉትን ንጹሃንን ወደ ማረሚያ የሚወረውር ፖሊስ ነው ሲሉም ገልጸዋል።
በአሁን ሰአት ብዙ ታራሚዎች ያለጥፋታቸው በዞን አንድ ውስጥ ታጉረው እንደሚኖሩ እና አብዛኞቹ እድሜ ልክ ተፈርዶባቸው ግማሾቹ ያለምንም ጥፋታቸው የሞት ፍርድ ተፈርዶባቸው እንደሚኖሩም ገልጸዋል ።
በተለይም አንድ እስረኛ የሞባይል ስልክ ነጥቆ በማምለጡ ምክንያት ተያይዞ ፲፮ አመታትን እስርቤት ከማሳለፉም በላይ እድሜ ልክ የተፈረደበት መሆኑን በጣም አሰቃቂ ነው ሲሉ ምንጮቻችን የጠቆሙ ሲሆን ፣ በሌላም በኩል ደግሞ በቦሌ አካባቢ የባለ ስልጣን ቤት ጠቁመሃል ተብሎ ደህንነቶች መንገድ ላይ አግኝተውት ያሳያቸውን ወጣት እድሜ ልክ እንደ አስፈረዱበት ሪፖርቱ ያስረዳል።
ባለፈው ስምን ወራት ውስጥ ስድስት የገጠር ልጆች የሆኑ ከአስራ ስድስት እስከ ሃያ ሁለት አመታት ያላቸው ወጣቶችን ከማረሚያ ቤት ሊያመልጡ ነው ተብለው በጥይት አጋድመው ደብድበው በፖሊሶች መገደላቸውን ጠቁመዋል ፣ይህ በእንዲህ እንደአለ ደግሞ በማረሚያ ቤት ፖሊሶች እና በመርማሪ ፖሊሶች እንዲሁም በደህንነቶች የሚደርሰው ግፍ የከፋ ከመሆኑም በላይ ሰቆቃው በዝቶባቸው እራሳቸውን የሚያጠፉ ወጣቶች ከፍተኛ ቁጥር እንደአላቸው ጠቁመዋል።
ወርቁ ደምሴ ገብረ ስላሴ የተባለ ታራሚ ደግሞ ከጅቡቲ ወደ አዲስ አበባ የጭነት መኪና በመስራት ይተዳደር የነበረው ወጣት ፡ሲሆን፡ከጅቡቲ ሲመለስ ባለቤቱ፡ከሌላ፡ወንድ፡ጋር፡ተኝታ በማግኘቱ እና ከወንዱ ጋር ያደረገችውን ግንኙነት ስላናደደው ሲደባደቡ ፣ባለቤቱን ያማገጠው ሰው በቢለዋ ሊወጋው ሲል በሃይል በልጦት በመገኘቱ የተቃራኒውን ወገን እግሩን በቢለዋ በመውጋቱ የተነሳ ከፍተኛ ደም ፈሶት በህይወት ሲያልፍ ይህም ግለሰብ እጁን ለፖሊስ በእራሱ ፈቃድ አሳልፎ በመስጠቱ ተገልጿል።
በዚህም ምክንያት ፖሊስ በዚህ ሁኔታ እራስህን አሳልፈ ስለሰጠህ ክሱን አንመሰርትም ፣በሌላ ክስ መመስረት አለብን ብለው በድብደባ ጭምር አሳምነውት ክስ እንደተመሰረተበት እና ክሱን የመሰረተበት መርማሪ ያሬድ ታረቀኝ የተሰኘ ፖሊስ ሲሆን በወረዳ አስራ ዘጠኝ ላፍቶ ክፍለ ከተማ ፔፕሲ ፖሊስ ጣቢያ ጋር መሆኑን እና ታናሽ እህቱን በጾታዊ ግንኙነት ካልተገናኛት እድሜ ልክ የሚያስፈርድ ክስ መስርቶ እንደሚያስፈርድበት እንደሚችል ለእህቱ ጭምር ገልጾ ክሱን ይሄው መርማሪ በሚፈልገው መልኩ አድርጎ እድሜ ልክ እንዳስፈረደበት ገልጾአል።
በማረሚያ ቤቶች በተያያዙ ጉዳዮች እና ሌላ ምርምራዊ ሪፖርቶች ማለዳ ታይምስ ተከታታይ መረጃዎችን ይዞ ለመቅረብ ይሞክራል።
Average Rating