Print
Email
0
0
የአዲስ አበባ ከተማ አስተዳደር ምክትል ከንቲባ ታከለ ኡማ (ኢንጂነር) ከ2003 ዓ.ም. ጀምሮ የተጣለባቸው ግብር ከአቅማቸው በላይ በመሆኑ እንዲታይላቸው ሲጠይቁ ለቆዩ 6,000 ነጋዴዎች፣ እንዲሁም በግብር ይግባኝ ተከራክረው ለተፈረደባቸው 1,780 ነጋዴዎችም ምሕረት እንዲደረግላቸው ካቢኔያቸው መወሰኑን አስታወቁ።
ምክትል ከንቲባው ይህን ያስታወቁት የአስተዳደሩ ገቢዎች ባለሥልጣን በጠራው ከተማ አቀፍ የታክስ ንቅናቄ መድረክ ላይ ነው። በቅርቡ በገቢዎች ሚኒስቴር ‹‹ግዴታዬን እወጣለሁ፣ መብቴንም እጠይቃለሁ›› በሚል መርሐ ግብር የተጀመረው አገር አቀፍ ንቅናቄ አካል የሆነውን የከተማውን ንቅናቄ ያስጀመሩት ምክትል ከንቲባው፣ አስተዳደራቸው መሠረታዊ ለውጥ የሚያመጡ የታክስ ሪፎርሞች መጀመሩን ገልጸዋል።
የታክስ ሪፎርም ዕርምጃዎቹ ማንኛውም የከተማ ግብር ከፋይ በፍላጎቱ ላይ የተመሠረተና መክፈል የሚችለውን ብቻ እንዲከፍል እንደሚደረግ ምክትል ከንቲባው ይፋ አድርገዋል።
ከዚህም በተጨማሪ ከተማው የሚገባውን ግብር እንዲሰበስብ፣ ነጋዴውም ሆነ የትኛውም ግብር ከፋይ ፍትሐዊ ግብር የሚጠየቅበት አሠራር ተዘርግቷል ያሉት አቶ ታከለ፣ ያልተገባ ግብር ተጠይቆም እንደሆነ ለመንግሥትም ለነጋዴም ሳይወግን በፍትሕ ያለ አድልኦ መፍትሔ የሚሰጥ የግብር ይግባኝ ኮሚሽን መቋቋሙን አስረድተዋል፡፡ የከተማው ገቢዎች ባለሥልጣን በዚህ ዓመት ከ41 ቢሊዮን ብር በላይ ለመሰብሰብ አቅዷል። ከዚህ ውስጥ ከታክስ የሚሰበሰብው 34.5 ቢሊዮን ብር ነው።
Average Rating