Print
Email
0
0
የአዲስ አበባ ባለአደራ ም/ቤት (ባልደራስ)፣ መጋቢት 1 ቀን 2011 ዓ.ም በባልደራስ አዳራሽ በስፍራው በአካል ከተገኙ ከከተማዋ ነዋሪዎች ጋር ውይይት አድርጎ፣ ግልጽ፣ ጥርት ያሉና አጭር የሆኑ ባለአራት ነጥብ የአቋም መግለጫዎችን ማውጣቱ፣ እንዲሁም በዕለቱ የተገኙ በሺዎች የሚቆጠሩ የአዲስ አበባ ነዋሪዎች፣ አራቱን ጥያቄዎች በሰላማዊ መንገድ ብቻ ምላሽ ያገኙ ዘንድ ውክልና እንደሰጠው ይታወቃል።
ይህንንም ተከትሎ ም/ቤቱ፣ ወደ ተግባር እንቅስቃሴ በመግባት፣ ለአብይ አህመድ (ዶ/ር)፣ ለአቶ ታከለ ኡማ (ኢ/ር)ና ለአቶ ለማ መገርሳ፤ በአሁን ወቅት የያዙትን የሥልጣን ቦታና ሃላፊነት በግልጽ በመጥቀስ፣ ከአራቱ ጥያቄዎች መካከል አንዱን በሚመለከት፤ ምላሽ እንዲሰጥበት ለሶስቱም የገዥው ሃይል ባለሥልጣናት ግልጽ ደብዳቤ አስገብቶ ምላሻቸውን በመጠባበቅ ላይ እንደሚገኝ የሚታወስ ነው።
ሆኖም፣ ም/ቤቱ ሰላማዊ እንቅስቃሴውን ለህዝብ ተደራሽ የሚያደርግበትንና መረጃዎችን የሚያሰራጭበት፤ እንዲሁም ግልጽ ዓላማና ግቡን የሚያስተዋውቅበት ኦፊሻል የማኅበራዊ ሚዲያ ገፅ በቅርቡ በመክፈት እንደሚያስተዋውቅ መግለጽ ይወድዳል።
ነገር ግን፣ ከአዲስ አባባ ባለአዳራ ም/ቤት (ባልደራስ) እውቅና ውጪ፣ በማኅበራዊ ሚዲያ የተከፈቱ የፌስ ቡክ ገፆች መኖራቸውን ደርሰንበታል። ይሄም ስህተት በመሆኑ፣ አንባቢያንም ግንዛቤ በመውሰድ፣ የተከፈቱት የፌስ ቡክ ገፆች በአዲስ አበባ ባለአዳራ ም/ቤት ያልተከፈቱ መሆናቸው ግንዛቤ እንዲወሰድ ማስገንዘብ እንወድዳለን።
በተያያዘም፣ በትናንትንው ዕለት፣ የም/ቤቱ ስድስት አባላት የተለመደ ሰላማዊ ውይይትና ምክክራቸውን አድርገዋል።
የአዲስ አበባ ባለአደራ ም/ቤት (ባልደራስ)
Average Rating