Print
Email
0
0
በመቀለ ‘ሕገወጥ ሰልፍ ሊያካሂዱ ሲሉ ተይዘዋል’ የተባሉ ዘጠኝ ወጣቶች ላይ የትግራይ ፓሊስ ምርመራውን በመጨረሱ ፋይላቸውን ክስ እንዲመሰረት ወደ ዐቃቤ ሕግ ማስተላለፉን ገልጿል። ከዚህ ቀደምም ሦስት ጊዜ ፍርድ ቤት መቅረባቸውንና ከሰባት ቀን በኋላ ክስ እንደሚመሰረትባቸው ነው ቢቢሲ የዘገበው።
እንደ ቢቢሲ ዘገባ ወጣቶቹ ከ46 ቀናት በፊት፣ ሐምሌ ወር መጀመሪያ ላይ በመቀለ የሮማነት አደባባይ ላይ መንግሥትን በኃይል ለመጣል የሚያነሳሳ መፈክር ይዘው መገኘታቸውን እንዲሁም ያልተፈቀደ ሠልፍ ለማካሄድ ሲወጡ ፖሊስ በቁጥጥር ስር እንዳዋላቸው ገልጾ ነበር። ዘጠኙ ወጣቶች በሐምሌ ወር መጀመሪያ አካባቢ ላይ የክልሉን መንግሥት በመቃወም ሕገወጥ የተቃወሞ ሰልፍ ሊያካሂዱ ነበር በሚል በፖሊስ በቁጥጥር ስር ከዋሉ በኀላ በወቅቱ በ48 ሰዓት ውስጥ ፍርድ ቤት ቢቀርቡም ፖሊስ በተደጋጋሚ የምርመራ ጊዜ ቀጠሮ በመጠየቅ ከ46 ቀናት በላይ በእስር ላይ ቆይተዋል።
እስከ አሁን ድረስ የፍትህ ውሳኔ ያልተሰጣቸው ሲሆን በመቀሌ የሚገኘው አስተዳደር ከዚህ ቀደም ያደርገው የነበረውን አይነት ስርአት በመቀሌ ገንብቶ ህዝብን በግፍ እያሰረ እና እየጨቆነ ነው ሲሉ የፈንቅል አባላቶች ለማለዳ ተናግረዋል፡፤ እንደ ፈንቅል አባላቶች አባባል ከሆነ የትግራይ ክልል መንግስት በትግራይ ህዝብ ላይ የሚያደርገው ጭቆና የከፋ ከመሆኑም በላይ አሰቃቂ ነው ፣ ህብረተሰቡ የግፍ ቀንበር ተሸክሞ ነው የሚዞረው፣ በዚህም ጉዳይ ላይ የፌደራል መንግስትም ለህዝቡ ምንም ትኩረት አልሰጠውም ሲሉ ተናግረዋል።
Average Rating