Print
Email
0
0
የኢትዮጵያ ሀገር መከላከያ ሚኒስተር የሆኑት ዶ/ር ቀነዓ ያደታ የኤርትራን ሰራዊትን ከኢትዮጵያ የማስወጣት ሂደት መጀመሩን ገለፁ።
አገር መከላከያ ሚኒስትሩ ይህን የገለፁት በዛሬ ዕለት የኢፊድሪ ውጭ ጉዳይ ሚኒስቴር በትግራይ ጉዳይ ባዘጋጀው የምክክር መድረክ ላይ ነው።
ዶክተር ቀነዓ ፥ የኤርትራን ጦር ከኢትዮጵያ የማስወጣት ሂደት መጀመሩን ከመግለፅ ባለፈ የሕወሓት ኃይል ከአገር መከላከያ ሰራዊት ጋር መዋጋት በሚያስችለው ቁመና ላይ አይደለም ሲሉም ተደምጠዋል።
ሕወሓት በቀበሌዎች ላይ የደፈጣ ጥቃት ለማድረስ እየሞከረ መሆኑን ተናግረዋል።
በሌላ በኩል ደግሞ በዚሁ መድረክ ላይ ተገኙት የኢንፎርሜሽን መረብ ደህንነት ኤጀንሲ ዋና ዳይሬክተር ዶ/ር ሹመቴ ይግዛው በትግራይ ሰብዓዊ ድጋፍ ለማድረግ የሚንቀሳቀሱ የረድዔት ተቋማት ሰራተኞች የሚጠቀሙባቸው የኮሙንኬሽን መሳሪያዎች ለወታደራዊ አገልግሎት ሊውሉ እንደማይችሉ ገልፀዋል።
ዶ/ር ሹመቴ ይግዛው ፥ ያልተፈቀዱ የኮሙንኬሽን መሳሪያዎች ደብቀው ለማሳለፍ ሲሞክሩ የተያዙ የእርዳታ ድርጅቶች መኖራቸውንና ኢትየጵያዊ ሰራተኞቻቸውን ከስራ እያሰናበቱ መሆኑን ገልጸዋል፡፡
ይህ በምንም መንገድ ‘አይፈቀድም’ ሲሉ ዳይሬክተሩ አስጠንቅቀዋል።
ዳይሬክተሩ ፥ “የሰብዓዊ ድርጅቶች ድርጊት ለብሔራዊ ደህንነት ስጋት ሊሆኑ አይገባም፤ ይህ ሆኖ ከተገኘም “እርምጃ ይወሰዳል።” ሲሉ አሳስበዋል።
Average Rating