Print
Email
0
0
በኢትዮጵያ “በቀን በአማካኝ 30 ሰዎች በኤድስ ህይወታቸው ያጣሉ” ተባለ።
ኤች.አይ.ቪ/ ኤድስ በዓለማችን ወረርሽኝ በሽታ ነው ተብሎ ከታወቀ በዛሬው ዕለት 40ኛ ዓመቱ ማስቆጠሩን የተለያዩ መረጃዎች ያሳያሉ። በሀገራችን ኢትዮጵያ በፈረንጆቹ 1981 ተከስቶ እስካሁን በርካታ ማህበራዊ፣ ኢኮኖሚያዊና ስነ ልቦናዊ ቀውስ ማስከተሉንም እንዲሁ፡፡
በፈረንጆቹ ከ1990 በነበረው የመጀመርያው ዘመን በሽታው እጅግ የተስፋፋበት፣ ትኩረት ያልተሰጠበት፣ በርካቶች ሰለባ የሆኑበት የከፋ ዘመን ነበር።
የፌደራል ኤች አይ ቪ ኤድስ መከላከያ እና መቆጣጠርያ ፅ/ቤት የህዝብ ግንኙነትና ኮሚዩኒኬሽን ዳይሬክቶሬት ዳይሬክተር አቶ ዳንኤል በትረ ከአል ዓይን አማርኛ ጋር በነበራቸው ቆይታ ተከታዮቹን ነጥቦች አንስተዋል።
በዚህም፦
– የቫይረሱ የስርጭት ምጣኔ እንደ ሀገር 0.93 በመቶ ሲሆን በከተሞች ያለው የስርጭት ምጣኔ ከ3 በመቶ በላይ እንዲሁም በገጠር 0.4 በመቶ ይሆናል።
– አሁን ላይ ቫይረሱ በደማቸው አለ ተብሎ ከሚታሰቡት 622 ሺ በላይ ዜጎች መካከል 61 በመቶ የሚሆኑት ሴቶች ናቸው። ይህም የሴቶችን የበለጠ የቫይረሱ ተጋላጭነትን ያሳያል።
– ከ100 ሴተኛ አዳሪዎች መካከል 18ቱ ወይም 19ኙ ቫይረሱ ያለባቸው ናቸው።
– በዓመት 11 ሺ ወይም በቀን 30 አዳዲስ ሰዎች (67 በመቶ የሚሆኑት ከ15 እስከ 24 የዕድሜ ክልል የሚገኙ) በቫይረሱ ይያዛሉ።
– በየዓመቱ 12ሺ ወይም በየቀኑ 30 ሰዎች ይሞታሉ።
– በኢትዮጵያ የቫይረሱ የስርጭት ታሪክ 1996 ዓ/ም ከፍተኛ የሟቾች ቁጥር የተመዘገበበት ዓመት ነው። 90 ሺ ያህል ሰዎች በቫይረሱ ምክንያት ህይወታቸውን ማጣታቸውም ይነገራል።
Average Rating