0 0

ዳግማዊ ምኒልክ ክቡር ያ’ገሬ ሰው

የነጻነት ካባ ጥቁርን ያለበሰው

እንደገና መጣ አሁንም ጥቁር ሰው

ቤቱ ሲፈርስ አይቶ መልሶ ሊያድሰው

በባለጌ ከሳሽ ሲከሰስ ሲወቀስ

በካድሬ ጸሃፊ ታሪክ ሲደመሰስ

ምኒልክ ብቅ አለ ጥቁር ሰው በዳላስ

ንጉሱ በገና ጨዋታ ይወዳል

የፖለቲካ ወግ ጭምት ያሳብዳል

የእግር ኳስ ጨዋታ ምንጩና ፍጥረቱ

በእንግሊዝ ወታደር በጦር ነው ውልደቱ

ስፖርት ነጻ ነው ፖለቲካ አያውቅም:;?

የዞረ ድምር ነው አያነቃንቅም።

ፌዘኛ ተራቢ ብቻውን አይስቅም

የደስታ ብዛት የመንፈላሰስ

ዳንስ ገጥሞ አየነው ጥቁር ሰው ዳላስ

ስፖርት ድንቅ ነው ፖለቲካ ቅመም

በእስክስታ አስወጣሁት የያዘኝን ህመም

ምኒልክ ከአድዋ አሜሪካ መጥቷል

ምዕት አመት አልፎ እንደገና ታይቷል

የጥቁር ሰው መንፈስ ፍቅር ነፍስ ዘርቷል

ቴዎድሮስ ካሣሁን አመሰግናለሁ

ታሪኩ ባይሞላም ይትባረክ ብያለሁ

workeshet@bellsouth.net

ወርቅእሸት ቸርነት

ሓምሌ 2004 ዓ/ም.

ለጥቁር ሰው ከያኒ ቴዎድሮስ ካሣሁን በዝግጅቱ ለተሳተፉ  እና ለሰሜን አሜሪካ ስፖርት ፌዴሬሽን

About Post Author

staff reporter

zegalove2@yahoo.com

http://www.maledatimes.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %